Mij dáppe 3

44 Tjoahkkájgæsso – Media fábmo Mij le media ja oasesmedia? Dát báhko «media» dat le sæmmi gå duot báhko «gassko». Media le duola degu TV-kanála, radiokánála, ávijsa, bláde, ájggetjállaga, girje, DVD, blu-ray, ja internæhtta. Media giehttu midjij diedojt majt mij dárbahip ja máhttá åhpadit mijáv ådå ásjijt. Media tjuovvu maŋen mij sebrudagán dáhpáduvvá, ja diedet jus ájtssá iehperievtesvuodajt sebru- dagán. Oasesmedia oadtju allasis rudájt gå vuobddá reklábma-ájgev dajda viddnodagájdi gudi sihti reklámerit juokkir buktagav. Oasesmedia máhttá vájkkudit mijáj lunna gåktus mij sjaddap árvustallat sebrudagáv ja væráldav ja de vil duodden makkár gálvojt mij sjaddap oasstet. Mij le reklábma, ja gåktus dat vájkkut mijáj lunna Reklábma le almmudibme mij galggá ulmutjijt huomáhattet ahte gávnnu muhtem ådå buvta. Reklábma giehttu man buorre dat bukta le ja hásstel mijáv oastátjit dav. Reklábmadahkkijn li anon gænnánik sierralágásj ræjdo gå sij hábbmiji ietjasa reklámajt vaj bukta galgga riektaga oasen jåhtet. Ræjdo máhtti liehket tjáppa gåvå, vuogas ul- mutja, dåbdos ulmutja ja musihkka. Muhttijn máhtti sæmmi gåvån liehket moadda rekláma, valla dåssju akta dajs le tjielgga reklábma. Ietjá rekláma li tjiehkusa ja gåhtjoduvvi tjiegos reklábman. Dakkár tjiegos reklábma guosská ienemusát dakkár buktagijda majt ij le loahpe reklá- merit. Filmajn, gåvåjn jaTV:a-rájdojn máhttep mij buktagijt vuojnnet gå li lahkagåvvidum ja gå vuojnnuhi anon. Dan láhkáj ham de viddnudaga åvddedi buktagijt gæhttjijda. Sponssim le dábálasj vuohke reklámerit muhtem lágásj buktagijt. Viddnudagá máksi dåbdos ulmutjijt ja válas- tallijt rudáj vaj sij adni anon sijá merkajt ja logojt biktasijn, ræjdojn ja bijlajn. Reklámaj ræjdo «njáhki» mija miela sisi nåv vaj mij jáhkkep ahte mij dárbahip, ja sihtap dav buktagav majt reklábma vuobddá. Álu ma mij oasstep dajt buktagijt majt vuojnnep rekláman.