Mij dáppe 3

43 Viddnudagá ma vuobddi buktagijt, bálkkiji oases mediajt vaj sij dahki niekogåvå væráldis. Sij hálijdi ahte mij galggap vuojnet sijá niekogåvåv ja oasstet sijá buktagijt dajna jáhkujn ja dåjvujn ahte mijá viessom gåjt dal sjattasj degu nåv gåk gåvvidum sjaddá. Dát vájkut garrasijt mijá ruhtadilláj. Gut gåjt dal ij sidá viessot vuorbálattjan, årrot vuogas, ådåájggásasj ja «coola»? Oajvverålla ja dåbdos nuora ma vuojnnuji TV:a- rájdojn, sij åmasti gájkka allasisá ja siján ælla muodojn tjásmagisa ja e ga oajven vuodjavuopta. Álu li siján ådåsamos bivtasháme ja juohkkalágásj dávvera. Rekláma ma vuojnnuji muh- tem vuosádusájn, hiehpi dan ulmmejuohkusij gudi gæhttji dakkár filmajt. Dát vuopptashampo ja duot vuojdas jali dá båvså ja skuova máhtti viehkedit mijáv boahtet lagábuj niekoværálda. Ja sjaddat degu filmmanáste. Dábálasj ulmutjijda ælla dakkár adnemgåvåstagá máhtte- lisá tjuovvot. Dale dav e galla divna åvvå dádjada ja danen sij de sjaddi boahtet stuorra ruhtavielkij vuolláj . Media le ietjastis buorre ja mij dárbahip dav diehtogálldon, gå galggap juojddá guláskuddat ja gå galggap náginij adnet juokkir aktavuodav. Valla dat máhttá «njáhkat» duv miela sisi ja juska dån i ájtsa, stivrrigoahtet duv ájádusájt, adnemdábijt ja viessomvuogijt. Danen le ham de ájnas muhttijn ganugastet ja usjudallat ma li dal hánj duv ietjat oajvvela duon ja dán ássje hárráj ja ussjolit jus dal ánj mån dárbahav duov ja dáv gálvov. o v « O Badjelmærrásasj oasestibme máhttá ulmutjijt doalvvot stuorra ruhtavielkij vuolláj . Gå mij oasstep ådå ábnnasijt ja biktasijt ilá álu, de sæmmi buohta bálkkop dajt majt ep desste dárbaha. Dakkár adnemdábe dahki ahte værál- da bálkudishåre stuorru jages jahkáj. adnemåvddågåvvå vuohke gåktus rudájt anom adnet ja duov dáv oastalit vielgij vuolláj sjaddat vielggen rudájt, jus le luojkkam ja ij máhte mákset ruopptot nav gåktu såbadam adnemdábe adnemgåvåstagá