Mij dáppe 3

42 Filmma- ja TV-rájdo gåvviji ålmåjt degu sij gudi suoddjiji ja viehkedi nissunijt ja mánájt ja máhtti adnet anon juohkkalágásj teknologalasj ræjdojt. Álu li ålmmå gejna mij oasesmedia baktu degu æjvvalip, tjiehpe ja jiermmábu gå nissuna. Dan láhkáj dahka media mijáj lunna vuorddemusájt ahte nissunij ja ålmmåjn li sierra berustibme ja rålla sebrudagán. Gåktus oasesmedia ja rekláma vájkkudi mijá adnemvuogijda Oasesmedia hábbmi ja dahká mijáj lunna juokkir niekogåvåv gåktus væráldin le. Dat le dakkir gåvvå mij ij le duohta. Sij vuosedi filmajt ja TV:a- rájdojt gånnå oajvverålla ja dåbdosulmutja li tjáppaga, vuohkasa, sluohkasa, vuorbálattja, ja «coola». Álu dale da prográmma rájaduvvi daj ájgij iehketbiejve gå skåvllåbiejve li nåhkåm ja nuora li sijdajda båhtalam. Majt dát reklábma vuobddá? Gudi li rekláma ulmmejuogos? Oasesmedia media mij galggá vuobddet ja mij le dagádum dajna vuogijn ahte mediadahkke galggi allasisá rudájt oadtjot.