Mij dáppe 3

40 Ræjdo ma li tevsta sinna – Na, gulá dal Áslákj javllá Nijlas. – Giella tevstan galggá nåv tjielgga vaj divna galggi dádjadit diedojt ma vatteduvvi. Ja dasi duodden galggá vil tæksta hiehpat buoragijt munnu ulmmejuohkusij. Mij aj vierttip anon adnet bágojt ja hållamvuogijt majt ulmmejuogos buoragijt diehtá ma li. – Måj de tjállin dåssju ahte «Sáme Aqua dahká duv vallen» javlaj Áslák. Nijlas bardel oajvev ja javllá ij de val nåv. Dat le ilá álkke. Måj vierttijin diedojt hiebadallat nåv vaj ahte tæksta sjaddá ienebut miellagiddevasj. Le dat ajtu ájnas ahte miján li anon postijvvalasj bágo duole segu var- res, ådå, rájnas, vuogas ja dåbdos. Lassen le de vil ájnas diedojt sæhkáj tevstan ma dahki tevstav buoragin ja dåbddusin. – Dale dat de galla årru ilá ållo munji. Mån ham sidáv dåssju vuobddet tjátjev, javllá Áslák gut le juo de hálvva slájvvum. – Ale ballá, mujna li tjiehpes tækstatjálle ja gåvvijiddje gudi li juo barg- gamin dájna ássjijn.