Mij dáppe 3

38 Logo – Ja de vierttijin dahkat logo , javllá Nijlas. – Dat galggá årrot dåbddo- mærkka jali juokkir gåvåstak mij le álkke dåbddåt ja huomajit. Galggá årrot dakkár ahte munnu ulmmejuogos dådda dárbov oasstet duv Sáme Aqua. Valle de måj dárbahin náginav gut máhttá sárggot dakkár logov. Reklábma-ræjdo – De måj dal vierttijin gávnnat gåktus reklámerit SámeAqua, javllá Nijlas. – Dábálasj vuoge li plákáhta, girjátja, almmudusá, ja reklábmafilma. Dagáduvvi maj aj ållo rekláma ma hiehpi vuosedit TV, radio ja inter- nehta baktu. Mij vierttip reklámerit Sáme Aqua dakkár sajijn gånnå buoremusát jåksåp ienemusát ietjama ulmmejuohkusav. Mån evtudav vuostak reklámerit plákáhtaj, filmaj ja internehta baktu. Tjalmmetjuogge Áslák tjuovvol Nijlasav gå dat manná nuppe ladnjaj. Uksagaskan såj ganugibá ja gæhttjaba sierralágásj stuorra tjáhtjegåjkudisáv mij le plákáhtan mij siejnen gatsaj. – Mij le dale dat? gatját Áslák. – Dat le juoga mij tjalmmáj tjuoggi. Tjalmme galggá dale dasi dæhppot gå ulmutja ganugast gehtjatjit. Sæmmi láhkáj gåktus dån dálla dahki. Divna reklábma-plákáhta galggi årrot dakkára, tjalmmájtjuogge. Mahttá dat liehket gåvvå jali juokkir lágásj gåvåstak masi tjalmme dabrijt. Dån farrabus huomaji dat le tjáhtjegåjkudis, valla sieldes stuorak. Badjetjála aj viertti årrot juoga majt ulmutja ájttsi ja degu masi tjalme dæhppu. – Mån evtudav måj bidjin dáv: