Mij dáppe 3

37 Mijá diehto le ahte duv tjáhtje le buoremus ja dån sjatta «kul» gå dav jugá. Reklábma galggá oadtjot ulmutjijt jáhkátjit dan diehtuj majt lin vaddám. Vuorbbe le gå gávnnuji ienep ræjdo majt vil máhttá válldet adnuj gå galggá juojddá vájkkudit ulmutjij lunna. Namma – Måj álggin vuostak namájn. Mij galggá liehket buktaga namma? Gatját Nijlas. – Namma? Ij gus máhte namma årrot dåssjuTjáhtje? Tjáhtje le ham dat majt ájggun vuobddet, javllá Áslák ja gæhttjá Nijlasij – Ij de nav, sjuohket Nijlas. – Måj ham ájggun bidjat dåbdos namáv. Dat galggá liehket «kul» namma. Galggá liehket álkke mujttet. Dåkki aj juokkir ålggorijkalasj namma, ja mujna le dakkár. Sáme Aqua!