Mij dáppe 3

36 Reklábma-viddnudagán Nijlas dal åvdemusát sihta Áslákav viehkedit. – Mån lev ham tjiehppe vuobddemij åtjudit, jalvllá sån. – Mån máhtáv gájkka gåk ulmutjijt galggá oadtjot oastátjit gálvojt ja lev dudálasj dajna. Vuostatjin måj vierttijin dahkat plánav. Måj vierttijin mierredit gesi galggin gálvov vuobddet. Gåktus sijáv oadtjot vaj sij berusti gálvov ja gånnå måj galggin reklámerit. Na boade de måj álggin, javllá Nijlas viehka måvtugijt. Sujna le miella barggagoahtet dájna ássjijn dalá. Ulmmejuogos – Gut galggá liehket munnu ulmmejuogos ? – Gesi ájggot vuobddet dale dajt duv ietjat tjáhtjebåhtolijt? gatját Nijlas. – Divna ulmutjijda, javllá Áslák Nijlas tjájmát åvvå tjavgga. – Ij galla de nav, vuostak måj vierttijin gávnnat unnep ulmmejuohkusav, juon ge láhkáj sierralágásj juohkusav. Ihkap sijáv gudi jáhkki sij viessu gå lassjugis ulmutja ja gudi válddi tjátjev åvddåla gå ietjá juhkusav. Nijlas viedtjá assás permav gånnå gávnná vásstádusájt ulmutjij birra gudi viessu nåv ja nåv. – Reklábma-suorgge le ålov åtsådam gåktus dakkár ulmutja usjudalli ja makkár dåbdo li siján. Dajt diedojt galggin måj adnuj válldet vuobd- demtjerdav, tjielggi Nijlas. Diehto –Valla makkár diehto le dat majt måj ájggun juohket ietjama ulmme- juohkusij? Gatját Nijlas Álákis ja gehtjas sunji. – Mij le dat majt ájggun giehttot ulmmejuohkusij? Áslák labát ståvlå nanna. – Hmmm, hálijdav diehttelis ahte sij galggi oasstet muv tjátjev! Nijlas måjudallá ja duohtas suv giehtaj. – Ij le val dåssju nåv ahte sij galggi oasstet. Mij vierttip giehttot gåktus duv tjáhtje le sierralágásj.