Mij dáppe 3

34 Dáhpaduvvá maj dat aj ahte reklábmadahkke åhtsi nuoraj- juohkusijt. Sij hálijdi gávnnat gudi li nuorajjuohkusij njunnjutja. Ienemus dåbdos njunnjusj dajn juohkusijn máhttá oadtjot válas- tallambierggasijt, biktasijt jali mobiltelefåvnåv nåvkå. Dajna vuogijn de sij oadtju ietjádijt oastátjit sæmmi lágásj bierggasijt jali sæmmi lágásj telefåvnåv. Valla sij dal diehttelis ietja vierttiji dajt oasstet. Vuona rijkan ij le loahpe reklá- merit buktagijt ma li ájgoduvvam mánájda. FÁKTÁBOAKSA - REKLÁBMA * Reklábma ja vuobddembarggo galggá oadtjot ulmutjijt oastátjit diedos buktagav. * Sij gudi galggi barggat vaj buvta vuobdeduvvá, sij dahki plánav. Sij de mierredi – gejt sij galggi ållet (ulmmejuogos) – majt hálijdi giehttot (diehto) – gånnå ájggot reklámerit (makkár reklábma- kánálan) * Reklábma válldá adnuj iesjguhtiklágásj nævojt maj baktu vájkkudit ulmutjijt – buktaga namma ja logo majt jáhkkep ulmusj- juohkusa lijkkuji. – Bajelttjállaga ja gåvå ma oadtju ulmutjijt ganugit ja gehtjastit (tjalmmájtjuogge) – Ståhkam ja suohtastallam – Tjáppa, måvtugis, bållåvuogas ulmutja ma oavdástalle – Popmusihkka – Buorre bágo – Fáktádiedo – Vuosedit buktagav TV ja filmaj baktu ma ælla rekláma (buktaåvdedibme) – Juohket nåvkå bierggasijt dåbdos ulmutjijda ja gejda mij lijkkup (dåbdos-reklábma) b