Mij dáppe 3

30 Mij le reklábma, ja gåk dat vájkkut ulmutjij lunna? Reklábma le almmudus mij vuoset ulmutjijda muhtem buktagav majt ihkap sihti oasstet. Reklámav máhtti ulmutja låhkåt, gullat ja vuojnnet juohkka media baktu. Reklábma vuojnnu ja gullu TV:a, radio, bládij, ávijsaj ja internehta baktu. Gåktus sjaddá reklábma? Viddnudak mij ájggu vuobddet muhtem buktagav, dat gávnná muh- tem viddnudagáv mij dahká reklámajt jali le reklábmadahkke . Reklábmadahkke dat ájádallá gåktus sån galggá oadtjot ulmutjijt oastátjit jurra dav gálvov. Sån árvustalla buktagav ja mierret gut le buktaga ulmmejuogos . Hiehpá gus dát buvta nuorajda, emedijda, fámiljajda vaj vuorasulmutjijda? Maŋŋela de sån dahká tevstav jali juojddá mij galggá javladuvvat ienebun dan buktaga birra. Maŋemus de sån mierret jus reklábma galggá vuojnnut ja gullut TV:a ja radio baktu, vaj galggá gus bládij, ávijsaj, siejnnetjállagij ja internehta baktu almmuduvvat. Reklámaj ræjdo Reklábmadahkke, sij válldi adnuj iesj guhtik lágásj ræjdojt maj baktu oadtjot ulmutjijt jáhkátjit ahte sij dárbahi jur dav gálvov mij fáladuvvá. Sij hábbmiji logo, namav, ja ja musihkav mij gæssá jurra dav ulmusjjuohkusav gesi le ájggum jurra dav fállat. Da ulmutja gudi rekláman li adnoj válldám buktagav jali vuojnnuhi dakkárin rekláman, sij li tjáppaga, vuohkasa vuojnnet ja de vil måvtuga. Gåvåj bájno li dakkára ma deg tjuoggiji tjjálmev, alvaduhtti, jali li suohttasa. Da diedo ma rekláman giehttuduvvi buktaga birra, da li buorre bágoj dagádum duola degu varrása, ådåsa, vuohkasa, nannusa, gæhppada ja lidnása. buktaga buvta – buktaga (produkta) li ábnnasa majt vidnudagá åvddedi ja dahki vuobddem- láhkáj. Buktavuobddemij baktu si oadtju allasisá rudájt. Buktaga máhtti årrot duola degu bijlla, pænna, sjokoláde, dáhtor , biktasa, shampo jali juohkka lágásj ábnnasat ma li miján anon juohkka biejve dáhtor dátámásjijnna reklábmadahkke sån gut dahká jali hábbmi reklámav ulmmejuogos juogos mij galggá huomahit ja dåbddågoahtet buktagav ja da máhtti årrot nuora, ålmmå, nissuna, vuorrasa, næjttso, báhtja, máná gálvo buktaga, ábnnasa