Mij dáppe 3

23 Identitehtta ja kultuvrra Juohkka ulmusj le sierralágás ja ij aktak åvvå væráldin le jurra degu dån. Du dábe maj dån le riegádam ja lagámus ulmutja duv birra, le siegen hábbmimin duv. Dån riegáda muhtem lagámus sebrudahkaj, stuoru ja sehkana iehtjádijda dan ietjat lagámus sebrudagán ja oattjo venagijt. Dån dåbdå dån gullu dan bájkkáj ja guovlluj gånnå dån åro ja dajda ulmutjijda ja dajda venagijda gej dån avtastalá . Diján le sæmmi dádjadus sebrudakássji ja njuolgadusáj birra. Gájkka da li siegen huksamin duv identitehtav ja kultuvrav. Ålos sjaddi bajás måttijn kultuvrajn. Dakkára máhtti válljit vuosedsit gudi sij li, iejsguhtik láhkáj. Álu mij vuosedip ietjama kultuvrav ja idetitehta gåvåj baktu, gárvoj baktu ja ietjá gåvåstagáj baktu. avtastallat årrot akta