Mij dáppe 3

168 FÁKTÁBOAKSA BÁHTARIDDJI • Báhtariddje li ulmutja gudi sierralágásj siváj diehti li vierttim guodet iejasa sijdav. Muhtema báhtari ålggorijkajda. Dåppen sij oadtju allasisá suodjalimev. • Ulmutja báhtari gå le doarro, rijdo, luonndohiede, hæjosvuoda, nielge jali gå li oagoduvvam politihkkalasj jali jáhko siváj diehti ietjasa sijddarijkajn. • Væráldin li 51,3 millijåvnå báhtariddje (2014). Gálldo: Flyktningehjelpen. • Ienemus oasse báhtariddjis ma båhti Vuona rijkkaj, båhti dájs rihkajs: Afganistan, Eritrea, Syria, Irak, Iran, Albania, Somalia, Sudan, Nigeria ja Gárjjelrijkka. Gálldo: UDI . • Váttes le val boahtet báhtariddjen amás rijkkaj. Báhtariddjin ælla årromsaje, ælla rudá ja dábálsj bierggasa. Ådå rijkan le amás giella, amás ulmutja ja amás kultuvrra. Dalloj de máhttá liehket váttes oadtjot ådå rádnajt ja venagijt ja oadtjot bargov. Dan diehti sij de dárbahi viehkev integrerimij.