Mij dáppe 3

167 Liehket báhtariddje Vuonan Báhtariddje gudi oadtju suodjalimev Vuona rijkan, sjaddi Vuona ássjen nav gåk mån ja dån. Siján li sæmmi rievtesvuoda ja vælggo- gisvuoda sebrudagán degu mijánj iehtjádijn. Sij oadtju årrom­ loabev ja årromsajijt Vuona suohkanijn. Ja de álggá barggo mij le oahppagoahtet gielav ja guovlo sebrudagá viessomnjuolgadusájt ja kultuvrav. Oadtjut venagijt, vádtset skåvlåjn ja barggat le oasse dasta gå galggi árggabievijt doajmmat ja sæbbrot sebrudahkaj. Dat gåhtjoduvvá: Integrerim. Integrerim máhttá sjaddat váttes jus amásulmutja oadtju dåbddåt rásismav ja ålgodimev lahkasebrudagán. Integrerim máhtta vas sjaddat gæhppat ja álkke jus mij gudi årrop suohkanijn , válldep sijáv buoragijt vuosstáj. Zabi (15) le báhtaram Áfgánistánas Vuona rijkkaj. Sån årru suodjalamåhttsij vuosstáj válldemin madin vuorddá vásstá- dusáv ietjas suodjalimåhtsåmij. viessomnjuolgadusá rievtedusá jali dábe majt tjuovvot integrerim Sjaddat oassen ja doajmmat gå iehtjáda lahkasebru- dagán, årrot ja viessot degu Vuona rijka ietjas ulmutja. gieldajn le sæmmi gå suohkanijn, vuodobágo libá giellda ja suohkan