Mij dáppe 3

165 gå ij le jáhkofriddjavuohta dan rijkan gånnå sij årru. Sij vásedi ahte oajválattja oagodi sijáv ja máhtti sijáv gåddet jali beri «gádodit». Báhtariddje gållu jus li tjoasskema. Rudá, rámbuvda ja biebmo e da åvvå gávnnu. Máhttá dat årrot låssåt ja vájvve guodet bájkijt ja berrahijt ja vuolgget muhtem amás rijkkaj gånnå ij avtak dåbdå. Boahtte ájgge máhttá sidjij sjaddat váttes ja iehpesihkar. Muhtema sjaddi báhtariddje ietjasa rijka sisbielen ja muhtema vas báhtari ráddnárijkajda jali ietjá ållu amás rijkajda. Muhtem báhtariddje båhti Vuona rijkkaj Vuona rijkkaj aj båhti ållo báhtariddje gudi åhtsi suodjalimev . Muhtema dajs gudi båhti Vuona rijjkaj ja Sámelánndaj, li vásedam sieldes dáhpádusájt duola degu doarojt, nielgev ja vájvedimijt . Báhtaribme dat le muhtemijda váttes ja le vil sidjij bissum mælggadijt. Somálijin le ráfedisvuohta ja rijdo. Dá máná årru muhtem báhtariddji vuostájvalldemin, teltaj sinna. Dán telta sinna mij le gåvån, le skåvllå ja åhpadus. Syrian le doarro ja Syria báhtariddje ållu dievddi Iráhkav ja lassásani dåppe. Værálda viehkkeorgánisásjåvnå li tsieggim teltajt báhtariddjida. Dáppe sij máhtti årrot ráfen, oadtju rájnna tjátjev, biebmov ja ietjá dárbbagijt. suodjalibme várjjalibme vaj hekkav bierggiji vájvedimijt gå vájveduvvi ja tsábbme- duvvi