Mij dáppe 3

15 Luohte ja juojggam Juojggam le muhtem sierralágásj sáme musiserimvuohke mij ij gávnu ietjá sebrudagájn. Ulmusj gut ájggu oahppat juojggat, sån viertti dav oahppat náginis gut dav máhttá. Luohte le degu biegga jali juoga mij boahtá ja manná, ja danna ij le álggo ij ge giehtje.Dat boahtá sunji gut juojggá ja de vas gáhtu. Juojgge juojggi subttsasijt, ulmutjijt, viessogijt jali luonndoguovlojt . Dánna de máhtti sjaddat bágo ja juojggamtevsta mij le tsoabbmut gå dajt dahká, valla ij le dat álu. Muhtem luode le huj oabmása ja sån gen luode da li, máhttá jábmám juo ájggá. Bágodis luodij baktu máhttá ulmusj dåbddåt surgov, måvtugisvuodav, vasjev jali gieresvuodav. Dálla ållo juojgge ja musihkkára segadi árbbedábálasj luodijt tjuojanisáj ja ietjá musihkkatjerdaj . Nils Rune Utsi segat luode ja rappema. musiserimvuohke vuohke gåktus musihkav dahkat ja åvddånbuktet luonndoguovlo guovlo luondon duole degu vuobme, jåhkå tjuojanisá juoga majna tjuojada duola degu gitárra ja snjurkun musihkkaslája musihkkavuoge, duola degu rock, jazz, country, vijsso, lávllaga