Mij dáppe 3

14 Sámij væráldagåvvå ja luondojáhkko Ájgijt tjadá li sáme åvdedam ietjasa ájádusájt ja imálasj giehtojt ma tjielggiji gåktus ednam, almme, ulmutja ja ietjá viessoga li sjaddam. Muhtemijt dajs imálasj giehtojs máhttep mij hánj uddni låhkåt ja dajs viddjurijt oahppat. Vuostasj sámijda lij luonndo huj ájnas. Dåppet sij viedtjin gájkka majt dárbahin gå galggin viessot ja bierggit. Dan diehti li sij dievnastam luondojubmelijt ja værrodam sidji. Dav sij dahkin dan diehti vaj luonndo vas galgaj vaddet sidji majt sij dárbahin gå galggin viessot ja ietjasa bierggit. Ulmutja vil uddnik dievnasti luondojubmelijt.