Mij dáppe 3

139 Plástihkka dat le dábálasj ábnas. Miján li ållo plástihkka ábnnasa sijdan. Jåhtålibme girddij maŋen le garra- sijt lassánammaŋemus ájgijt. Gåktus adnet anon Anon adnem le gå mij oasstep juokkir ådå bierggasav, biktasav jali biebmov. Mij lip divna anon addne gå mij oasstep juojddá majt mij dárbahip. Soajttá mij dárbahip ådå båvsåjt jali skuovajt. Bierggasa majt mij oasstep, da li dábálattjat dagádum plástihkas, muoras jali muhtem minerálas. Soajttá mij dárbahip bensijnav jali dieselav bijllaj ja el-fámov gå galggap årudagájt liekkan anedit. Dan diehti de mij dárbahip oasstet ja adnen anon bensijnav, dieselav ja el-fámov. Muhtema maneldi ja jåhti girddij maŋen guhka gaskajt. Dalloj de mij oasstep sajijt girdden jali tågan ja dan diehti mij ham de adnep dajt sajijt anon. Sij gudi buvtadi ja fálli dajt midji oasen, gæhtjjali duhtadit majt mij gájbbedip ja vuordatjip. Dan diehti sij gætjo ájgev tjadá huomahi fállat hálpeb ja buorep bierggasisjt majt mij máhttep adnet anon. Nav ålov gåk mij adnep anon, de sæmmi ålov vas fálaldagá ja mano buvtaduvvi ja fáladuvvi midji. anon addne sån gut adná anon duov dáv ábnnasav/dávverav jali biebmov el-fábmo elektrisitehtta duhtadit dudálattjan dahkat