Mij dáppe 3

129 Vuodoæládusá da dárbahi stuorra sajev luondon. Ájádallá man stuorra sajev luondon majt boatsojælo dárbahi guohtomijda ja jåhtemijda ja man ållo ednamijt ednambarggo dárbaj slihturijda. Guollebivddo dárbaj ålles merav ja stuorra jågåjt. Miehttsebarggo aj dárbaj stuorra guovlojt gå galggi muorav barggat ja ábnnasijt dåppet viedtjat ja de vas bivddet guolijt ja návdijt. Dale dat ahte sáme barggi dakkár vuodoæládusájn le akta dajs sivájs ahte Sámelándan ælla stuorra stáda ja tjoahkkebájke. Da sáme sij dárbahi stuorra luonddoguovlojt jus galggi bierggit, ja dan diehti ham de si sjaddi årrot háddjot. Dåssju smávva tjoahkkebájke sjaddi dåk gåsi båhti girkkobáhpa, oasestiddje, lenska, ja åhpadiddje. Dakkár bajken de sjaddi girkko, rámbuvda , skåvlå, gånnå andeduvvi jubmeldievnastusá, oassasa ja åhpadusá. Merragáttijn sjaddi stuoráp tjohkkebájke gånnå huvsaduvvi hámna majda stuorra hávsa máhttit áŋkerdit aktan gálvoj majt sij suvdatji. Hávsaj maŋen tjuovvu ulmutja ja sij soajtti aktan fámiljaj årrogoahtet dale dajn merragáttijn. Guovdageaidnu girkko birra sjaddin maŋenagi skåvlå, oassása ja årromdåbe. Áváhke le stuorra tjoahkkebájkke dajna gå danna le buorre hámnna gånnå máhtti duosstot stuorra hávsajt ja ållo gálvov . Áváhke le aj ållo guollebivdij sijdabájkke. ábnnasijt da li majt viedtjat vuovdes massta manná dahkat vantsajt ja duojijt duola degu guvsijt ja majt vil ietján manná muoras dahkat luonndoguovloj vijddudak stuorra ednamáreála majt vuodoæládusá dárbahi rámbuvdda dat le huonaj gånnå oases- tiddje barggosadje le merraguovllo dat le tjohkkáj duobddága merragáttijt áŋkerdit áñkárav luojttet jali kádjaj bidjat hávsav