Mij dáppe 3

125 Stáda Stuoráp tjoahkkebájkijt mij gåhtjudip stádan. Åvddåla mierredin oajválattja goassa tjoahkkebájke bessin ietjasa stádan gåhtjudit. Dálla gis suohkana álmmuk iesj suohkanstivra baktu mierret dale dav. Muhtem dåbdos stáda le Hámmerfæssta. Ulmutja dan stádan lij javllam sijá stáda le værálda nuorttalamos stáda. Áváhke (Honningsvåg) le nuorttalin gå Hámmerfæssta. Danna – Ávágen – li mierredan ietjasa tjohkkebájkev gåhjtot stádan. Ja de dal digguhibá da guovtes, Hámmerfæssta ja Áváhke, goabbá le værálda nuorttalamos stáda. Vuona rijka stuorámus stáda le Oslo. Jagen 2013 årrun birrusij 625 000 ulmutja Oslo stádan. Tjoahkkájårrom ja háddjotårrom Ulmutjij årromsaje li viehka rievddam Vuona rijkan maŋemus 110 jagijt. Dat mij le rievddam le ahte ulmutja li jådåtjam háddjot årrombájkijs tjoahkkebájkijda ja stádajda. Gå mij gæhttjap dav diá- grámmav mij tjuovvu, de mij vuojnnep ahte stuorámus rievddadus le årrum jage 1900 rájes gitta jage 2010 rádjáj. Ulmutjij årrom- bájkij rievdadibme dat tjuovvu ressursajt ja æládusáj rievddadusájt. Hámmarfeasta. gielda suohkana