Mij dáppe 3

122 Ulmutja årru Vuona rijkav miehtáj, valla muhtem sajijn årru ienebu ja muhtem sajijn årru binnebu. Dasi li moadda sivá ja dan birra dån máhtá låhkåt ja oahppat dánna. Man lahkalakkoj ulmutja årru avta rijkan, dat giehttu man tjoahken sij årru. Sáhka le galla ulmutja årru juohkka kvádrátkilometerin (km2:in) mijá rijkan. Buojkulvissan nammaduvvá ahte Vuona rijkan årru 14 ulmujta juohkka kvádrákilometerin. Japanin gånnå årru ienemusát tjoahken åvvå væráldin, danna årru 340 ulmusj juohkka km2:in. Ietjá rijkajn dáppe nuorttan årru Svierigin 20, Dánmárkon 125 ja Suoman 16. Finnmárkon gånnå ulmusjlåhko le binnemus ja áreálla stuorámus, danna årru 1,5 ulmusj juohkka km2:in. Oslo stáda iehkedis. áreálla ednamvijddudak