Mij dáppe 3

110 Ådåsduhttemressursa, Ij- ådåsduhttemressursa ja ulmusjressursa Miján gávnnuji luonndoressursa ma ådåstuvvi maŋenagi. Dajt mij gåhttjop ådåsduhttemressursan . Tjáhtje le akta dajs. Gå rássjot jali muohttá, de dulvvi jågå ja jávre, ja mij dassta vas oadtjop el-strávvev. Rássjo ja muohta æba da goassak någå. Guole meran ja jávrijn li aj luonndoressursa ma ådåstuvvi, valla mij val vierttip årrot várrogisá ahte ep bivdde divna hæhkkat ållu binnu. Jus nav de máhtti guole nåhkåt. Ietja luonndoressursa vas e máhte ådåstuvvat. Duola degu ruovdde, uljo ja gássa. Ruovddemálmav viedtji ruvvojs væráldav birra. Uljo ja gássa libá ednama vuolen ja mera bådne vuolen. Da ressursa gal sjaddi nåhkåt boahtte ájge goassa de. Dajt mij gåhttjudip ij- ådåsduhttemressursan . Biegga le ådåsduhttemressursa dajna gå dat ij goassak någå. Bieggamillo dahki biekkav midjij ávkken ja produseriji midji el-strávvev. Koallaruvvo Spitsbergen mij le Sválbárdan. Koalla le ressursa mij ij ådåstuvá . Ja mij akti nåhkå goassa de. ådåstuvvat sjaddat vas ådås, ij goassak någå