Mij dáppe 3

11 Luondoviessoga Sáme álmmuk le luonndoálmmuk. Dat merkaj ahte sij álggoájgij rájes li oahppam ietjasa luondoguovlojs adnet ávkev . Luondos li viedtjam sige biebmov, biktasijt ja ábnnasijt majt sij dárbahin. Biebmon allasisá lidjin sijá guovloj viessoga, guole, låtte, muorje ja etjá sjatto. Biktasijt sij dahkin viessogij náhkijs ja ábnasijt majt sij dárbahin, dahkin sij muoras, ruohtsajs, tjårvijs, dávtijs, hullojs ja giergijs. Boatsojsujtto le sierralágásj æládus majt dåssju sáme ja ietjá nuortta­ guovloj iemeálmmuga anedi jådon ja máhtti. Boatsojsujtto gávnnu dåssjo nuorttaguovlojn. Maŋenagi li luonndoæládusá rievddam ja hiebaduvvam udnásj viessemvuohkáj. Da gudi barggi luonndoæládusájn, siján viertti stuorra berustibme ja sidot barggat luonndoæládusán. Muhtema oahppa­ gåhti ja hárjjánáhtji juo mánnán barggat æládusán. Dan láhkáj ham de sij máhtti æládusáv jådedit buoragijt ja máhtulattjat . Boatsojsujtto le sámij luonndoæládus adnet ávkev ávkástallat máhtulattjat tjiehpe, sij gudi buoragijt máhtti