Mij dáppe 3

Luonndoressursa Vuona rijkan Gåvåjn mij dánna máhttep vuojnnet makkár luonndoressursa li miján. Mijá guovlojn le guolle meran, muora miehtsen, ruoddnis sjatto áhkkarijn , bierggo duoddarin, ruovdde ednama vuolen, uljo ednama ja tjátje vuolen ja tjáhtje le ájmon ja dassta vallje. Guolev dav máhttá vuobddet nav gåk dat le jali dassta dahkat juokkir lágásj biebmov. Muoras, duola degu bietses manná dahkat moatte- lágásj adnobierggasijt duola degu bievddijt ja ståvlåjt. Båndor, sån buvtat midji sjattojt ja mielkev ja dajs mij de vas dahkap ietjá biebbmotjerdajt. Boahttsun le bierggo, duollje, tjoarve, gábmasa ja sassne. Ruvvojs le viedtjat moattelágásj minerálajt duola degu ruovdev. Ednama vuolen le uljo ja gássa. Uljo ja gássa da boalde- duvvaba. Uljos dagáduvvi moadda ietjá bierggasat duola degu plá- stihkka. Gássa manna ietjá rijkajda gå dat dåk eksporteriduvvá. Dåppen gassav manná boalldet gå galggi biebmov vuossjat ja åru- dagájt liekkan anedit. Tjáhtje dat vaddá midjij el-fámov majt mij divna dárbahip. Boahttsus mij oadtjop biergov, valla aj ietjá ressursajt. Gårtjes máhttá dahkat el-strávvev. Muorravuovdde. Ruvvoråggåma baktu mij viedtjap ruovddemálmav. Guolle. Uljoboarrimrustiga. Uljo le ressursa mij akti nåhkå, goassa de. Gusás oadtjop biergov, mielkev ja náhkev. áhkar ednam gånnå sjattojt sjaddadit, bælldo buvtadit juojddá ábnnit, produseret