Mij dáppe 3

108 Luonndoressursa Luonndoressursa li da vuodoábnnasa majt mij viedtjap luondos allasimme ávkken. Da máhtti årrot guolle, boatsoj, vuovdde, sjatto, duolbba ednam ja minerála duola degu ruovdde, gålle, silbba, uljo, gássa. Dajt máhttep mij vuobddet ja dajs dahkat ietjá ábnnasijt majt de vas vuobddet jali lånudit. Dajna vuogijn de mij áhkuhip allasimme biebmov ja ietjá diŋgajt majt dárbahip. Juohkka guovlon gånnå ulmutja årru, le muhtem luonndoressursa dajn láhkusijn. Luonndoressursa dahki nav vaj ulmutja bierggiji dan bájken. Ållo vuodoábnnasa li nressurssan æládusájda jali bargojda. Muorra le muhtem ájnas luonndoressursa muorraindustrija æládusán. vuodoábnnasa vuodoábnas dat le juoga massta máhttá dahkat juokkir bierggasav. Uljo le vuodoábnas. Dassta máhttá dahkat duola degu plástikk-spánnjov. Guolle le aj vuodoábnas. Æládusá Årrot båndor dat le æládus. Siján aj gudi huksi vaj årudagá bissu, le æládus. Æládus le juoga majna ulmusj bierggi ja tjijnni rudáv nav ahte bierggi. Bierggimláhke.