Basic HTML Version
95
Norga 1000–1600
Stiklestad fearán
Muhtimin ledje áiggit goas ii lean gona
gas Norggas. Eanahearrát ja hoavddat
stivrejedje iežaset guovllus ja dávjá
ledje ráfehisvuođat ja soađit sin gask
kas. De bođii Olav Haraldsson. Son lei
Harald Vuoktafávrru/Harald Hårfagre
maŋisboahtti, ja son lei orron olgoriik
kas máŋga jagi. Son bođii ruovttoluot
ta ja sus ledje guokte áigumuša. Son
áiggui šaddat Norgga gonagassan, ja
son áiggui Norgga álbmoga jorgalaht
tit risttalašvuhtii. Son lei hui garas ja
guovlluid hoavddat fertejedje dohkkehit
su gonagassan. Seammás son bággii
olbmuid jorgalit risttalašvuhtii. Olbmot
eai dohkkehan ahte son bággii sin
guođđit iežaset oskku ja árbevieruid. Sii
suhtte ja Olav fertii báhtarit olgoriikii
fas. Håkon Jarl galggai dasto stivret
riikka, muhto son heavvanii dalá maŋ
ŋá. Go Olav dán gulai, de son čohkkes
tii soahteveaga fas ja máhcai ruovtto
luotta Norgii váldit badjelasas fámu.
Boanddat ja eanahearrát čohkkestedje
soahteveaga fas Olava vuostá, ja jagi
1030 buollái riidu ja soahti Stiklestadas.
Olav gahčai, ja dánska gonagas ohpit
válddii badjelasas Norgga.
Sus, gii čuggii ja gottii Olav Stikle
stadas, ledje badjelis gottenáhkkegárv
vut maid son lei sápmelaččain fidnen go
lei johtán sin luhtte guokte dálvvi. Su
namma lei Tore Hund. Čuožžu Snorre
muitalusain ahte dáid gárvvuid čađa ii
bastán oktage vearju, go ii gonagasa
miehkkige.
Ná jurddašii Erik Werenskiold ahte Stiklestad soahti
lei. Govas oaidnit Olav Haraldsson gahččá.
Olav Haraldsson/Bassi Olav
Lei vássán jahki maŋŋá Stiklestad fea
rána. Lei leamaš fuones šaddojahki
ja sihke olbmuin ja šibihiin lei uhcán
borramuš. Dánskka gonagas stivrii
garrasit ja gáibidii ollu vearu olbmuin.
Ollugat gáhtagohte go sii ledje vuos
tálastán Olav. Beaggigohte ipmašat su
birra. Maŋŋá Stiklestad soađi lei Olav
rumaš biddjon muhtin áitái. Muhtin
čalmmeheapmi lei ihkku njáhkan áitái
ja bassan čalmmiidis Olava varain.
Daddjui ahte son lei dan seammás
oaidnigoahtán fas. Boanda lei váldán
Olav liikka mielde, ja hávdádan su
Nidarosii. Jagi maŋŋá rogge fas liikka
ja dalle fuomášedje ahte vuovttat ja
gaccat ledje guhkkon. Olbmot oaivvil
dedje ahte sii ledje ipmašiid vásihan.
Olbmot jurddašišgohte Olav lei bassi
olmmoš. Dan rájes lea Olav Haraldson
gohčoduvvon maiddái Bassi Olavin.
Nidaros-girku huksejuvvui su muitun.
Pilgrimat johtigohte su hávdesadjái. Sii
bivde ja rohkadalle jeđđehusa ja veah
ki Bassi Olavis. Maŋŋá iežas jápmima
son nagodii dan maid ii lean nagodan
eallinagis; oažžut Norgga álbmoga jor
galit risttalašvuhtii.
Storm: Snorre Sturlasons Kongesagaer. J.M. Stenersens Forlag
A/S. 2000. Jorgalan/heivehan: Heidi Guttorm Einarsen
Mo Bassi Olav jorgalahtii olbmuid risttalašvuhtii