Page 61 - Sapmi & mailbmi 2 mánáid

Sápmi ja máilbmi 60
Vikiŋggaid máilmmigovva
Vikiŋggat osko luondduipmiliidda. Dat mearkkaša
ahte sii bálvaledje ipmiliid mat fuolahedje dearvvaš­
vuođa, buori šattu ja buriid dálkkiid. Sii jáhkke ahte
gávdnojedje guovttelágan ipmilat: Æsat ja vanat .
Æsat ledje soahteipmilat ja vanat fas gehčče bear-
rái eallima ja šattu. Álggos ledje dát guokte ipmil­
joavkku vuostálágaid, muhto loah­pas leigga soah­
pan ráfi. Vikiŋggat gádde ahte eana lei duolbbas.
Ipmilat ásse Åsgårdas, olbmot fas Midgardas­, ja Ut­
gardas ásse jotunat. Jotunat ledje sihke olbmuid ja
ipmiliid vašálaččat. Utgard lei ávdin báiki ja doppe
lei fuones eana gos ii šaddan miige.
Luondduosku
Ipmilat láhttejedje seammáláhkai go olbmot. Sii
ledje bahá, ilus, balahahkes ja ráhkkásat. Nuppe dá-
fus ledje fas earáláganat go olbmot. Sis ledje fámut
ja attáldagat stivret dálkki, biekka, eallima ja jáp-
mima, vuoittu ja vuoittáhallama badjel. Buot giliin
ledje bálvvosbáikkit gos olbmot sáhtte oaffaruššat
ipmiliidda vai sii galge leat buori mielas. Olbmot
balle ahte jos sii eai oaffaruša ja daga ipmiliid buor-
re millii, de šaddu sáhttá billašuvvat heajos dálk-
kiid geažil, dahje eará vártnuhis dáhpáhusat sáhttet
geav­vat.
Ipmilat láhttejedje
seammáláhkai go
olbmot. Sii ledje
bahá, ilus, bala­hah­
kes ja ráhkkásat.
soahpan
šiehtadan
vašálaččat
bahádahkkit
balahahkes
balahit juoidá massimis
attáldagat
erenoamáš iešvuođat
giliin
báikkážiin
bálvvosbáikkit
báiki gos sáhtii bálvalit
ipmiliid
vártnuhis
váivves ja issoras