Basic HTML Version
133
Eurohpá 1500–1600
3
Árvideames gávnnusmátkkošteaddjit dávjá
jurddašedje ja jáhkke ahte ođđa máilmmis
gávdnojit ártegis, jáhkkemeahttun imašlaš ol-
bmot, eallit ja šattut. Govahala ahte don leat
gávdnanmátkkošteaddji jođus amas guovlluide
maid ii oktage leat vel fuomášan ja oaidnán. Čále
ja muital maid don leat amas guovllus vásihan ja
oaidnán. Lea lohpi geavahit fantasiija ja "hábmet"
imašlaš elliid ja olbmuid. Sáhttá maid ahte doppe
dáhpáhuvvet jáhkkemeahttun dáhpáhusat maid
ii oktage leat ovdal vásihan ja jáhkkán ahte lea
vejolaš…?
4
Dárbbašat atlasa ja kártta masa sáhtát mer-
ket. Merken-kártta fidnet oahpaheaddjis. Loga
Kristofer Columbus, Hernan Cortez, ja Vasco da
Gama mátkkiid birra s. 121–127. Neahttasiiddus
www.sapminorga.calliidlagadus.org gávnnat
lohkosa Magellan mátkki birra. Merke kártii sin
mátkkoštanruvttuid.
5
Áiggiid čađa leat leamaš ollu gávdnanmátkko
šteaddjit. Dá leat muhtimat:
Roald Amundsen,
Fritjof Nansen, Robert Scott, Robert Peary, Eirik
Raude, Ibn Battuta, John Franklin, Henry Hud
son, Vitus Bering, Fernando de Sot, Thor Heyer
dal.
Válljejehket muhtimiid dáin ja ohcet dieđuid
sin gávdnanmátkkiid ja vásihusaid birra. Dahket
girjjáža dahje ovdanbuktima earáide. Sáhttibehtet
maid čállit biografiija.
6
Ollu ođđa gálvvut ja vierut čuvvo skiippaid mat
bohte eará máilmmis Eurohpái. Ohcet dieđuid
eará gálduin ja gávnnahehket gos vižže, ja goas
bohte káffe, teadja, duhpátborgguheapmi, ja
buđet Eurohpái. Ovdanbuktet earáide ceahkis.