Page 62 - Sapmi & mailbmi 1 mánáid

Sápmi ja máilbmi 62
Eufrat, Tigris ja Niillaeatnu
Dološ Irakas, mii dalle gohčoduvvui namain Meso­
potamia, golget guokte stuorra eanu. Dain leat na­
mat Eufrat ja Tigris. Dán guokte eanu gaskkas lei
Mesopotamia. Mesopotamia mearkkaša ge: "Eana
guokte eanu gaskkas". Stuorra, govda vuomis man
čađa Eufrat ja Tigris golgaba, leat ássan olbmot don
doložis. Sumer lei stuorámus eana. Niillaeatnu lea
fas Egypta stuorámus eatnu. Niillaeatnogáttis leat
ássan egyptalaččat don doložis. Eatnu lei dárb­baš­
laš ja olbmot bálvaledje eanuid dego ipmiliid. Eat­
nu buvttii borramuša ja buorre eallima buohkaide.
Dađistaga lassánedje olbmot ja gávpogat šadda­goh­
te. Sumerlaččat ja egyptalaččat huksejedje máilm­mi
vuosttaš gávpogiid eatnogáttiide 5000 jagi dassái.
Eatnu lei dárbbašlaš
ja olbmot bálvaledje
eanuid dego ipmiliid.
vuomis
báiki mas leat várit
guktui bealde
bálvaledje
osko ja rohkadalle,
oaffarušše
Eufrat eatnogáttis sáhtii
eallin leat ná. Arkeologat
leat gávdnan bázahusaid
stuorra huksehusain ja
tempeliin.