Page 56 - Sapmi & mailbmi 1 mánáid

Sápmi ja máilbmi 56
Dađistaga fáhtejedje spiinniid, burruid ja gu­
said. Eallindilli šattai buorebun ja álkkibun. Dál
fidnii álkit varas bierggu ja mielkki. Mielki ja va­
ras biergu lei dearvvašlaš bajásšaddi mánáide.
Sii atne ávkki buot beliin šibihiin dahje omiin.
Burruid ja kamelaid geavahedje geassimii ja rii­
demii. Gusas ja gáiccas ožžo mielkki ja nuorat
šibihiin fas bierggu. Náhkis duddjojedje vuo­
gas biktasiid. Gáiccas fidnejedje ullu mas sáhtte
gođđit stuorra gođđosiid main fas duddjojedje
biktasiid.
Fievrun fuomášedje ka­
me­laid dápmat. Dat sáht­
te johtit guhkes gask­kaid.
Biktasiid gođđe ullus
maid fidnejedje gáiccas
ja sávzzas. Gáiccanáhkki
lei litna náhkki mas maid
dahke biktasiid. Ullus
batne/botne árppu ja
láiggi.
Snáldu