Page 38 - Sapmi & mailbmi 1 mánáid

Muhtin báikenamat
leat nu boarrásat
ahte mii eat áib­
bas vissásit šat
die­đe maid sánit
mearkkašit.
Sápmi ja máilbmi 38
luondduduovdagat
hámit luonddus; várri,
johka, vuopmi, čohkka jna.
sadjái
dan sadjái.
Báikenamat
Báikenamma sáhttá muitalit midjiide masa báiki
lea geavahuvvon, dahje makkár luondduduovda­
gat báikkis leat. Muhtin báikenamat leat nu boar­
rásat ahte mii eat áibbas vissásit šat dieđe maid
sánit mearkkašit. Muhtin báikenamaide gávdnojit
čilgehusat. Dávjá leat sánit doložat ja jávkan sá­
megielas. Sadjái leat boahtán eará sánit dárogie­
las, suomagielas, ruoŧagielas dahje ruoššagielas.
Lišmmajávri lea Deanu gielddas. Lišma-sátni lea nu
dološ ahte mii eat dieđe maid sátni mearkkaša. Lišma-
sátni gávdno máŋgga sajis Sámis.
SimssAtája lea Fanasgiettis, Deanus. Simssat meark­
ka­ša bearal. Bearal-sátni lea oahpis midjiide, muhto ii
simssat-sátni. Simssat lea árvideames dološ sáme­giel­
sátni mii mearkkaša bearal (Leem 1767). Bearal lea
loatna­sátni boahtán dárogielas: Perle. Simssat-sátni
jávkkai ja sadjái bođii bearal-sátni. Báikkis lea datte
namma Simssatája.
Deatnu lea dološ báike­
namma mii muitala ah­
te dán báikkis gávd­no
stuorra, govda, čiek­ŋa­lis
johka. Deatnu meark­ka­
ša: Stuorra johka.