Ovttas - Filosofiija ja etihkka

filosofiija ja etihkka 54 Jus buot muorat seammalágažat Jan Magnus Bruheim. Sámegillii: Nils Johan Heatta Jus buot muorat seammalágažat Ja buot šattut alihat Ja buot lottit čáhppadat Ja buot eallit rátnásat, Livččii doaivumis Váivi oaidnit daid. Jus mii seamma stuorrát Ja mis seammalágaš biktasat Ja jus mis álu livččii Seammalágaš dálki – De gal livččii issoras Váivi orrut dáppe. Jus buot viesot seammalágažat, Ja seammalágaš biepmu bevddiin Ja jus mii ságastallat Álo seamma sániiguin – De ii livčče suohtas Dán min eatnamis. Dat riggodat mii min birra lea Elliin ja lottiin Ja sogiin, liđiin ja rásiin – Gal lea buorre jurddašit Ahte buot eai leat seammalágažat.