Ovttas - Filosofiija ja etihkka

filosofiija ja etihkka 48 Norggas ásset birrasiid 5 miljovnna olbmo. Ruoŧas ásset birrasiid 9,5 miljovnna olb- mo ja Suomas fas birrasiid 5,3 miljovnna. Eanaš olbmot Norggas leat norgalaččat, ja eanaš olbmot Ruoŧas leat ruoŧŧilaččat ja Suomas fas suopmelaččat. Sis lea dáro­ giella, ruoŧagiella ja suomagiella váldogiel- la, risttalaš­vuohta váldoosku ja sin riikka kultuv­ra. Sii leat iežaset riikkain majori­ tehta­álbmot . Dat mearkkaša ahte sii leat eanet­loguálbmot. Davviriikkain ásset maiddái eará álbmogat. Dáppe ásset maiddái sámit. Sámiin lea sierra giella, eallinvuohki, kultuvra ja gárv­ vut. Dutkit leat gávnnahan ahte sámit leat ássan Davviriikkain viehka guhká. Guhkit go buot eará álbmogat. Danne leat sámit Davviriikkaid eamiálbmot . Davviriikkaide bohtet olbmot eará riikkain. Eatnašat bohtet Afganistanas, Ruoššas, Serbia-Montenegros, Kosovos, Bosnia- Herce­govinas, Kongos, Ugandas, Somalias, Pakistanas, Kampucheas, Irakas, Iranas ja Palestinas. Ollu dáin riikkain leat soađit ja ráfehis­vuođat. Ollugat sis geat leat boahtán eará riikkain, leat ássan Davviriikkain dan rájes go riegádedje, muhto liikká eai dovdda ahte sii leat norgalaččat, ruoŧŧilaččat dah- je suopme­laččat. Sis leat eará gielat, eará oskkut ja eará kultuvra. Dát olbmot gullet Davvi­riikkaid minoritehtaálbmogii . Sii leat unnit­loguálbmot. Davviriikkain leat máŋggalágan kultuvrrat. Sámit Davviriikkain leat máŋgga­lágan kultuvrrat­