Ovttas - Filosofiija ja etihkka

filosofiija ja etihkka 44 IT sáhttá maid leat njulgestaga vahágin servodahkii ja olbmuide. Muhtimat bidjet internehttii govaid ja filmmaid earáin jeara­ keahttá , dahje sáhttet giellásiid čállit earáid birra. Lea álkit dadjat unohisvuođaid ja gohčodit fasttes namaiguin earáid, neah- tas. Lea álkit danne go ii dárbbaš geahččat nubbái seammás go givssida ja gohčoda. Sii gáddet ahte sii eai gávnnahallo . Dákkár dáhpáhusat sáhttet šaddat váivin ja vahágin sidjiide geat vásihit dan. Sáhttá leat váttis jávkadit interneahtas áššiid maid dohko vuos lea bidjan. Muhtimat verrošit interneahta bokte. Musihka ja filbmaviežžan mávssekeahttá lea verrošeapmi, go dan lea muhtin dahkan. Govaid ja teavsttaid maid gávdná interneah- tas sáhttá suoládit ja gielistit ahte lea ieš dan govven dahje čállán. Ollu skuvllaoahp- pit álkit viežžalit neahtas čállosiid ja bidjalit namaset vuollái ovdal go buktet daid sisa oahpaheaddjái. Muhtin rávisolbmot sáhttet fillet mánáid ja šiehtadit deaivvademiid mat eai leat nu buorit. Ollu IT čeahpit sáhttet hacket ja bilidit earáid dihtoriid ja dieđuid, dahje viežžat dieđuid mat dihtorii leat vurke­juvvon. IT geavaheaddjit eai sáhte goasseege leat áibbas sihkkar ahte dieđut maid interneah- tas lohket, leat duođat. Mii galgat álo leat kritihkalaččat ja smiehttat ahte soaitá dat ii leat duohta mii duon dahje dán artihkkalis čuožžu. Buohkat sáhttet almmuhit ja čállit internehttii vaikko maid. IT sáhttá leat vahágin servodahkii ja olbmuide jeara­keahttá eai jeara lobi gávnnahallo fuomašuvvo verrošit dahket lobihemiid mávssekeahttá ii máksit namaset iežaset nama rávisolbmot ollesolbmot IT čeahpit olbmot geat dihtet ja máhttet ollu IT rusttegiid ráhkadeamis IT geavaheaddjit sii geat geavahit IT rusttegiid kritihkalaččat Iskat Ollugat vásihit givs- sideami sosiála me- diaid bokte.