Ovttas - Filosofiija ja etihkka

29 Elle, 12 jagi Elle lea 12 jahkásaš, ja orru njealját gearddis muhtin geardeviesus Oslos. Son liiko bátti njuikut, lávlut, TV geahččat ja duddjot. Elle ja eadni leaba guovttá. Sudno bearrašis leaba dušše soai. Eadni eallá buoza ja ii sáhte bargat. Elle vázzá 6. ceahkis. Elle liiko leat skuvllas ovttas earái­ guin. Muhtimin son ii liiko go oahpaheaddjit jearahal­ let gos sii leat johtán geasseluomus, dahje dálveluomus. Earát leat fitnan Parisas dahje ássan olles vahku barttas ja čierastaddan ja čuoiggadan. Elle ii leat goassege joh­ tán viidát. Son lea álo beare leamaš ruovttus. Eatnis ii leat nu ollu ruhta ahte sáhttiba johtit. Elle buoremus skihpár lea Ánne. Soai láveba ollu ovttas stoahkat ja háleštit. Elle ceahkis leat ollu eará oahppit, ja dávjá ihtet riegádanbeaivvebovdehusat. Muhtimin ferte Elle cealkit ahte ii heive boahtit riegádanbeaivve­ ávvudeapmái. Earát gáddet ahte son lea čeavlái, muhto duohtavuohta lea ahte sus ii leat ruhta mainna skeaŋkka oastit. Lea dábálaš ahte guossi buktá skeaŋkka go lea bovdejuvvon riegádanbeaivvedoaluide. Elle ii hálit skeaŋkka haga boahtit riegádanbeaivvedoaluide. Lea maid dáhpáhuvvan ahte Elle ii sáhte vuolgit skuvlla mátkkiide ja sihkkelmátkkiide go sus eai leat sihkkelat, oađđinseahkka, meahccebiktasat ja eará dávvirat mat dárbbašuvvojit dákkár mátkkiide. Visot eatni ruhta manná viessoláigui, elrávdnjái ja borramuššii. Ii báze šat ruhta ávdnasiidda maid Elle háliidivččii ja sávašii.