Ovttas - Filosofiija ja etihkka

filosofiija ja etihkka 28 Mii lea geafivuohta? ON meroštallá geafivuođa ná; Olmmoš lea geafi jos ii leat go guokte dollár beai- vái mainna galgá birget. Dainna guvttiin dolláriin son galgá háhkat alcces sihke borramuša, biktasiid ja dálu. Čielga gea- fi lea olmmoš geas lea vuollil okta dollár beaivái mainna galgá birget. Olbmot geain lea ná uhcán ruhta , eai oaččo gokčot vuođđodárbbuid nugo suoji, borramuša, juhkamuša ja dearvvašvuođa. Davviriikkain leat buohkain borramuš, suod- ji, čáhci ja biktasat. Buohkat galget vázzit skuvl­la ja buohkat galget oaž­žut veahki jos buohccájit. Dasa ii galg­ga dárbbašit ruđa. Dat­tege gávdnojit geafit maiddái Sámis. Dáp­pe lea eará­lágan geafivuohta. Sámis meroš­tallo gea­fin jos mánát eai sáhte oassá­ lastit friddja­áiggedoaimmaide nu go earát. Norgga ráđđehus lea mearridan ahte bearaš geas lea vuollil 230 000 NOK sisa­ boahtu jagis, lea geafi. Logut muitalit ahte birrasiid 85 000 máná Norggas orrot geafes dállodoalus. Ráđđehus geahčada ja buohtastahttá loguid go rehkenastá ja gávnnaha geat leat geafit. Logut eai álo čájet duohtavuođa. Ollu sá- mit vižžet borramuša luonddus. Sii bivdet jogaid, jávrriid, meara ja mehciid sihke dál- vet, čakčat, giđđat ja geasset. Dasa lassin murjejit miehtá čavčča. Dát sisaboahtu ii oidno loguin, ja danne árvvoštallá stáhta ahte sii leat geafit. Datte ii leat dat duohta, go sis leat biergu, guolli ja muorjjit miehtá jagi. Dalle ii dárbbaš buvddas oastit bierggu, guoli ja murjjiid. Dalle báhccá ruhta eará ávdnasiidda. meroštallá árvvoštallá, mihtida vuođđodárbbuid dárbbut mat fertejit gokčot jos galgá sáhttit eallit oassálastit leat mielde ráđđehus eiseválddit, sii geat mearridit Norggas NOK Norgga kruvnnu sisa­boahtu ruđalaš bálká Gefiiddállu, dahje Fattig­ huset Oslos lea ásahus mii veahkeha gefiid skáhppot borramuša, biktasiid ja eará ávdnasiid.