Ovttas - Filosofiija ja etihkka

23 ON galgá gozihit ahte soađit ja ráfehis­vuo­ đat eai šatta máilmmis. Datte leat soađit ollu guovlluin máilmmis. Soahti, dahje ráfehis­ vuohta lea go soalddáhat dorrot vearj­juiguin. Vearjjut sáhttet leat bissut, bávkkanasat, girdit ja stuorra bomb­bat. Soahti sáhttá leat máŋggaid riikkaid gaskkas, guovtti riikka gaskkas dahje sáhttá leat riikka siskkobeal- de. Soađit dahket riikkaid geafin. Ollu ruđat gollet vearjjuid oastimii. Riikka olbmot gillájit. Ollugat jáp­met ja ollugat šaddet ruovttuid, bargguid, skuvllaid ja buhcciidviesuid haga. Muh­ti­mat báhtarit eret riikkas dahje orrot báhta­reddjiidleairrain. Ráfehisvuohta ii dárbbaš leat soahti vearjjui- guin. Ráfehisvuohta šaddá álkit jos olbmot eai beasa cealkit maid háliidit. Dalle sáhttet muhtin olbmot biddjot giddagassii dahje oaguhuvvot jos leat earálágan oaivilat go sis geat stivrejit ja mearridit riikkas. Muhtimat eai oaččo barggu jos eai čuovo riikka oskku. Earát fas leat vásihan ahte sii eai oaččo hállat eatni- gielaset dahje eallit nu go sin mielas lea riekta. Soalddáhat soađis. ráfehisvuođat riiddut riikka siskkobealde sisriikkasoahti sáhttá šaddát go olbmot geat ásset riikkas eai leat ovttaoaivil vearjjuid bávkkanasat ja bissut cealkit dadjat, čállit ja almmuhit oaguhuvvot eai oaččo ráfis eallit ja fertejit báhtarit­vai eai biddjo giddagassii Olbmot geat ásset riikkain gos lea soahti, fertejit čoahkkanit báhtaranleairraide. Jos soahti bistá guhká, de fertejit guhká ássat dákkár leairrain. Vehkkebargit ceggejit leairraide tealttáid ja fievrri- dit olbmuide čázi, borramuša ja eará dárbašiid. Soahti ja ráfehisvuohta