Ovttas - Filosofiija ja etihkka

filosofiija ja etihkka 22 ILO konvenšuvdna Sámit leat Davviriikkaid eamiálbmot. Sii leat áiggiid čađa šaddan gillát vealaheami. Ollu sámit eai leat skuvllas oahppan čállit ja lohkat, go eai ádden eanetloguálbmoga oahpahusgiela. Dat lea okta váldosivva dasa ahte sii eai leat ožžon bargguid ja vejolašvuođa dinet ja birget servodagas seammá láhkai go eanetloguálbmot. Easkka maŋimuš 40 jagi leat ilbmagoah- tán girjjit, TV- ja radiosáddagat ja áviissat sámegillii. Sámegiella ja sámi kultuvra lei measta nohkan ja jávkan. ILO- soahpamuš nr. 169, mii vuođđuduvvui geassemánu 28. beaivve 1989, goziha ahte eami­álbmogiid vuoigatvuođat doalahit ja ovddidit kultuvrraset ja iešvuođa, galgá bissut. Eamiálbmogiin lea maid vuoigatvuohta mearri­dit mo ieža vuoruhit áššiid ja man láhkai sin ovdáneapmi galgá leat. Norga dohkkehii soahpamuša geassemánu 20. beaivve jagi 1990. Suopma ja Ruoŧŧa leat dáid áiggiid dohkkeheamen soahpamuša. ILO- soahpamuš nr. 169 lea leamaš vuođđun ealáskahttit ja nannet sámi vuoigatvuođaid ja sámi kultuvrra. Maiddái eará eamiálbmogat máilmmis atnet ávkki soahpamušas. Sámit leat Davviriikkaid eamiálbmot. ILO- konvenšuvdna 169, artihkkal 28 cealká ahte buot eamiálbmogiid mánáin lea vuoigatvuohta oahppat eatnigielaset bokte. Sirpmá skuvlla oahppit. ILO-soahpamuš 169 addá sámiide vuoigat­ vuođa mearridit mo sin guovllut galget meannu­duvvot. Eiseválddit eai sáhte šat okto mearridit sámi guovlluid luondduriggodagaid geavaheami. ilbmagoahtán boahtán olggus soahpamuš kontrákta, šiehtadus dohkkehii geatnegahtii čuovvut šiehtadusa ealáskahttit eallát fas nannet gievrrabun šaddat