Ovttas - Filosofiija ja etihkka

filosofiija ja etihkka 20 Mii lea ON? ON lea oanádus ja mearkkaša: Ovttastuvvon Nášuvnnat. Dat mearkkaša ahte ollu riikkat miehtá máilmmi leat ovt- tas ovtta stuorra ásahusas. Measta buot máilmmi riikkat leat ON:a miellahtut. ON vuođđuduvvui golggotmánu 24. beaivve jagi 1945. Dat lei seammá jagi go nuppi máilmmesoahti nogai. Manne ON? Nuppi máilmmesoađis ledje ollu olbmot duššan, ja goddon, ruovttuid haga šaddan, ja ollu mánát nelgo ja gollo. Riikkaid eise- válddit mearridedje ásahit muhtin ásahu- sa mii miehtá máilmmi galgá gozihit ahte eai šattašii šat soađit. Jos buot riikkat leat fárus seammá ásahusas, lea álkit ságastit ovttas dan sadjái go soahtat. Dattege leat ain soađit muhtin guovlluin máilmmis. Muhto máilmmesoađit eai leat leamaš dan rájes go ON vuođđuduvvui . ON:as leat máŋga organisašuvnna mat iešguđet láhkai geahččalit buoridit olb- muid eallima. Nuppi máilmmesoađi duiskalaš soalddáhat bolde measta buot ássanvisttiid ovdal go guđđe Finnmárkku ja Davvi-Romssa čakčat 1944. Dá Gáŋgaviikkas leat bázahusaiguin ceg- gestan suoji ovdal go dálvá. máilmmesoađit soađit maidda buot máilmmi riikkat oassálastet vuođđuduvvui ásahuvvui organisašuvnna ásahusa