Ovttas - Filosofiija ja etihkka

17 Loga ja vástit 1. Mii lea bearaš? 2. Geat leat fuolkkit? 3. Man láhkai lea bearaš dehálaš mánnái? Daga ja oahpa eambbo­ 1. Loga máidnasa bohcco ja gotti birra s. 16. Maid dát máinnas árvvoštallá lea boastut ja riekta? 2. Ságastehket: Mas don dieđát mii lea riekta ja boastut? 3. Ságastehket ja árvvoštallet: Makkár doaimmat leat dus ruovttus ja bearrašis? 4. Deavdde fuolkevuođa čoarvvi (oahpa­headdjis lea dat) fuolke- namahusaiguin. Sáhtát lasihit go- vaid ja eará dieđuid. 5. Elle bearrašis leat 6 olbmo. Eadni, áhčči, viellja, oabbá ja Elle ieš ja áhkku. Eadni lea 47 jagi, áhčči lea 50 jagi, viellja lea 15 jagi, oabbá 12 jagi ja Elle 9 jagi, ja áhkku 70 jagi. A) Daga áigelinnjá ja merke guđe vuođđologus guhtege lea riegádan! Á) Mii lea dán bearraša gaska­ mearálaš ahki? B) Áhkus leat golbma vielja ja guokte oappá. Okta viellja lea boar­raset go áhčči, earát leat nuorat go son. Mat sii leat Ellii? C) Eatnis leat guokte oappá. Nubbi lea boarraset go son. Mat soai leaba Ellii? Č) Nuppi oappás leat golbma máná, guokte gándda ja okta nieida. Maid sii leat Ellii?