Ovttas - Filosofiija ja etihkka

filosofiija ja etihkka 12 Loga ja vástit 1. Mii lea filosofiija? 2. Maid bargá filosofa? 3. Namut guokte dološ filosofa! 4. Mii lea etihkka? Bargobihtát 1. Mii fertet juohke beaivvi válljet. Smiehtas! Maid don leat otne válljen? 2. Loga Platona ja Aristoteles birra s. 9. Soai oaivvildeigga goabbat láhkai ideaid­, dahje jurdagiid birra. Mii lei erohus sudno oaiviliin? 3. Sámi filosofiija dadjá ahte olmmoš ii dárbbaš buot diehtit. Ságastehket: Dárbbaša go olmmoš diehtit buot? Sáhttá go olmmoš diehtit buot? 4. Sámit dadjet ahte muhtin olbmuin lea guollelihkku dahje boazolihkku. Ságastehket: Maid jáhkkibehtet dainna oaivvilduvvo? 5. Mii eat álo dárbbaš oahppat mii lea riekta ja boastut. Muhtimin oame- dovdu dieđiha mii lea riekta ja boas- tut. Čále ja muital muhtin háve birra go don dihtet áibbas vissásit mii lei rivttes dahku.