Ovttas - Filosofiija ja etihkka

11 Buot oskkuin ja eallinoainnuin lea etihkka Buot oskkuin ja eallinoainnuin lea etihkka mii muitala mo olbmot galget eallit ovt- tas ja luonddus. Ollu lea seammá. Eanaš oskkut ja eallinoainnut muitalit ahte mii galgat dahkat earáide seammá go mii dáhttut ahte earát midjiide dahket. Dát njuolggadus muitala ahte mii galgat smiehttat ja jurddašit ovdal go dahkat ju- oidá. Eará njuolggadusat fas muitalit juste maid ja mo mii galgat bargat. Gávdnojit njuolggadusat dasa mo dearvvahit ja mo spáppa čiekčat. Muhtin oskkut, nugo is- láma ja juvddálašvuohta, muitalit áibbas čielgasit mo galgá eallit. Eará eallinvuogit fas čilgejit dárkilit mo luonddu gáhttet vai maŋisbohttiide báhcet eallit, šattut, buh- tes áibmu ja čáhci. Eatnašat leat oahppan dearvvahit nu mo sin guovllus lea dábálaš. Luonddugeavaheapmi lea luonddugáhtten. eallinoainnuin oaidnu eallimii, jurdagat eallima birra maŋisbohttiide sii geat riegádit ja ellet go mii leat jávkan