Ovttas - Filosofiija ja etihkka

filosofiija ja etihkka 10 Mii lea etihkka? Etihkka lea mo mii válljet, ja háliidit eallit. Mis lea buohkain etihkka. Etihkka muitala mo mii galggašeimmet láhttet guđet guimmiid vuostá ja luonddu ektui. Jos mii álo dahkat juste dan maid ieža háliidit, sáhttá šaddat nu ahte mii vahágahttit earáid ja iežamet. Eat mii várra šatta lihkoleabbon ge. Dan sadjái sáhttit válljet dahkat dan maid mii jáhkkit lea riekta. Mis leat ollu njuolggadusat dasa ahte mo mii galgat láhttet guđet guimmiiguin. Ollu njuolg­ ga­dusat leat etihka birra, muhto eai buot. Ovda­mearkka dihte leat mis njuolggadusat mat muitalit mo mii galgat vearbbaid sojahit riekta. Ribahit boastut sojahit muhtin vearbba, ii muital makkár olmmoš lea. Muhtimin mii ribahit dahkat boastut. Mii diehtit ahte lea riekta juogadit soabalaččat.