Ovttas - Sirkumpolára eamiálbmogat ja sin oskkoldagat - page 92

sárdnideaddji olmmoš gii sárdnida
viidát guhkes gaskkaid
čomistedje čoahkkanedje
leavai viidánii, šattai stuorisin
SÁMI LUONDDUOSKU ja risttalašvuohta92
Sámit šaddet risttalažžan
Ádjánii máŋga čuohtejagi ovdal go sápme­laččat
šad­de risttalažžan. Ollu sámit balle ráŋggáš­
tuvvo­mis. Muhti­mat jáhkke buot dasa maid
báhpat ja miššo­nearat muitaledje. Muhtin báh-
pat ja miššonearat ohppe maiddái sámegiela,
vai sámit galge áddet biibbala sisdoalu.
Læstadius lei risttalaš sápmelaš ja sárdni­
dead­dji gii máhtii sámegiela. Son jođii viidát
Sámis ja sárdni­dii. Olbmot ledje gullan sága su
birra, ja sii čomistedje gullat su sártniid. Daid
mii gohčodit namain čoakkalmas . Læstadius
oahpahii maiddái ođđa sárdnideddjiid. Sámit
viššalit bohte čoakkalma­saide ja liikojedje
su muitalusaide ja čuovvuledje su jurdagiid.
Ollugat čuovvuledje risttalaš­vuođa ja šadde
risttalažžan.
Dađistaga eambbot čuovvuledje ođđa oskku.
Læsta­diusa oskkoldat leavai ja šattai sierra
risttalaš oskkoldahkan. Dan
namma lea leastadianisma.
Dat leavai olbmuid miel-
de gitta Amerihkkái. Otne
lea risttalašvuohta váldo­
oskkoldat miehtá Sámi.
Læstadius (1800–1861) lei
risttalaš sárdne­almmái ja
sápmelaš. Son sárdnidii sáme­
gillii, vai sámit galge áddet mii
biibbalis čuožžu.
Sámegiella lea otne dábálaš
ipmilbálvalusain.