Ovttas - Sirkumpolára eamiálbmogat ja sin oskkoldagat - page 9

9
Čuvččat
Čuvččat ásset Čukčamearragáttis ja Bering­nuorre­
gáttis Čukčanjárggas, Sibirjjá nuortalea­mos guovllus.
Mearragáttečuvččat gohčodit ieža­set Anqallyt:n. Sii
bivdet mearraelliid nugo njuorj­juid ja fálláid. Sii bivdet
maid bohccuid ja jiekŋa­guovžžaid. Sii leat ásahan dá-
luid ja ásset fásta ovtta báikkis. Siseatnančuvččat joh-
tet bohccuiguin mearragátti ja siseatnama gaskka. Sii
gohčodit iežaset Čauču:n mii meark­kaša: boazorikkis.
Ledje čuvččat geat álggus ovddidedje Siberian Husky
beatnat­náli, ja geavahiš­gohte daid geassimii ja fiev-
run. Dát beatnat­nálli birge bures buolašin, ja lea gievra
geassit reagaid ja gálvvuid. Dat geava­huvvo­jit fievrun
guhkes mátkkiide jieŋaid alde ja moalkás duovdagiid
mielde. Leat birrasii 15 000 čuvčča. Sii hállet ruoššagiela
ja čuvčča­giela. Čuvččat bivdet njuorjjuid kajáhkain ja
umiáhkain. Sii bivdet sihke luosa ja bohccuid firpmiin.
Čuvččagánda Sibirjjás Ruoššas.
ásset fásta eai sirddaš dahje
jođe
reagaid reahka, man alde
čohkká dahje man ala bidjá
gálvvuid ja heŋgesta beatna-
giid dahje skohtera maŋŋái.
moalkás mohkkás luodda/
geaidnu
duovdagiid duovdagat leat
várit, vuovddit, leagit, čorut,
gobit ja buot hámit mat
luonddus gávdnojit
umiáhkain stuorát fanas mas
sáhttet leat fárus eambbo go
dušše okta