Ovttas - Sirkumpolára eamiálbmogat ja sin oskkoldagat - page 81

81
Náittosvierut
Irggástallan
Lei dábálaš ahte váhnemat gávdne ja evtto-
hedje vuogas guoimmi iežaset nieiddaide
ja gánddaide go sii ledje náitalanahkái ol-
lán. Dattege ii lean dábálaš bágget nieid­da
dahje gándda náitalit. Dieđusge dat dáhpá-
huvai gal. Go nieida ja gánda gávnnadeigga,
de soai sáhtiiga irggástallat máŋga jagi
ovdal go beasaiga náitalit. Gán­da galggai
čohkket ollu gihliid ovdal go beasai nieid-
dain náitalit. Nieidda váhnemat galggaiga
dohkkehit irggi ja mearridit goas ledje
doarvái ollu gihlit dahje gihleruđat. Bárra
eaba galgan leat sogalaččat.
Soagŋu
Go lei mearriduvvon ahte diet nieida
heivešii sin gándii dahje bárdnái eamidin,
de šattai soagŋu. Soagŋus galge leat fárus
gándda sogalaččat ja soagŋogába. Sis leat
mielde buot gihlit go bohtet herg­gii­guin
nieidda ássanbáikái. Dasto galget golbmii
vuodjit birra goađi ovdal go soagŋo­gába
manná sisa ja jearrá nieidda áhčis: ”Ožžot
go guossit boahtit goahtái?” Jos gánda
dahje bárdni lea miela mielde, de áhčči
vástida: ”De ožžot!”. Soagŋogába manná
olggos ja gohčču soagŋo­fáru ja gándda
sisa. Gánda dearv­vaha buohkaid goađis.
Nieidda dearv­vaha maŋimustá. Dasto juh-
ket, boradit ja hervvoštallet. Nieida oažžu
buot gihliid.
guoimmi ustiba, eallinskihpára
náitalanahkái ahki go lea gárvvis náitalit
gihliid skeaŋkkaid, silbbaid ja golliid
sogalaččat fulkkežat
soagŋu náitinmátki
soagŋogába irggi olmmái, skihpár dahje
ságadoalvu­
soagŋofáru buohkaid geat leat mielde mátkkis