Ovttas - Sirkumpolára eamiálbmogat ja sin oskkoldagat

eatnan­ássiid eatnama ássiid máttut sii geat elle ovdal min 83 Jápmin Sáivu/Sávja Sápmelaččat osko ahte jápmán olbmo vuoigŋa manai nuppi máilbmái. Doppe lei bassi báiki man gohčodedje Sáivun. Davvinuorta Sámis dat gohčoduvvui Sávjan. Sii jáhkke ahte Sáivu lei buorre sadji gosa boah­tit maŋŋá jápmima. Sáivvus elle jábmit seammá láhkai go eatnama alde, dušše ollu lihkolat eallima. Sámit jurddašedje ahte jápmán olbmo siellu elii nuppi máilmmis, dahje iežas áimmus. Dat čuovui eatnan­ássiid daguid. Sieluin lei erenoamáš fápmu mii sáhtii leat sihke bahá ja buorre. Olbmot atne muittus ahte máttut, dahje sielut oidnet buot maid sii barget. Danne sii várrogasat johte meahcis, ja álo muite jearrat lobi ovdal go ceggejedje lávu dah- je goađi. Sáivu sáhtii leat muhtun jaskes jávri dahje ráfálaš suolu. Noaidi sáhtii fit- nat Sáivvus go dárbbašii veahki jápmán fulkkiin dahje jápmán noiddiin. Mátkái dárbbašii noaidi Noaidelotti, Noaideguoli dahje­Noaidesarvá. Máddin dahje lullin daid namat ledje Sáivoloddi, Sáivoguolli ja Sáivosarvvis.