Ovttas - Sirkumpolára eamiálbmogat ja sin oskkoldagat

SámIiD LUONDDUOSKkoldat 74 Noaiddi mátki jábmiidriikii Dán muitalusa lea muhtin noaiddi maŋis­ boaht­ti muitalan. Dat čilge jábmiidriikka mátkki. Muitalusa lei Lars Pirak gullan, gándan. Go olmmoš jápmá, de su siellu buokčala boššui. Doppe dat girdila dego loddi guhkes, baskkes lanja čađa eatnama siskkožii. Ferte dan gaskkas boradit, go mátki lea guhkki. Mátkkoštettiin lea siellu birastahtton čiekŋalis seavdnja- dasain ja hirpmus fasttes jienain. Lan- ja geažis oidno čuovga, mii čuovgá dego násti, ja boahtá lagabui ja laga- bui. Go olmmoš joavdá čuovgga lusa, de dat birastahttá su báhkka ja ivdnás čuovggain. Báhkka lea measta buol- li báhkas. Olmmoš oaidná de iežas rupmaša orrumin eatnama alde. Dál šaddá girdimátki. Olmmoš girdá is- soras stuorra leavttuin badjel váriid, jáhkemeahttun ruonas gittiid ja duov- dagiid. Oba áigge son lea birastuvvon arvedávggi ivnniiguin. Vuovttain leat girkes násttit. Dasto son joavdá muh- tin sáttogáddái. Birra leat fiskes rásse- giettit ja ruonas niittut. Dalle son diehtá ahte son lea joavdan jábmiidriikii – son lea joavdan máttuidis ruovttubáikái.