Ovttas - Sirkumpolára eamiálbmogat ja sin oskkoldagat

SámIiD LUONDDUOSKkoldat 64 Noaidi Noaidi lei siidda vuoiŋŋalaš hoavda. Son diđii buot oaidnemeahttun máilm­ mi, Sáivvu/Sávjja birra. Dollagáddi lei noidošan­sadji. Dolla veahkehii noaiddi oažžut okta­vuođa nuppi máilmmiin. Noaidi manai dola bokte nuppi máilbmái dahje áibmui. Dása son dárbbašii noaide- gácci veahkkin. Noaidegázzin sáhtte leat sarv­vis, loddi dahje guolli. Noaiddi bargu Noaidi galggai viežžat dieđuid eará báik­ kiid, dahje bivdosajiid birra. Dasa lassin son galggai einnostit boahtteáiggi, ja ohcat elliid ja gottiid. Dikšut ja buori­dit siidda­olbmuid dearvvašvuođa lei maid su bargu. Son galggai máhttit ráđđá­dal­lat jápmán fulkkiiguin Sáivvus/Sávjjas. Hui dehálaš bargu lei oaffaruššat luonddu­ ipmiliidda. Dalle válddii oasi sállašis. Dainna son vuoiddadii sieidegeađggi. Dán láhkai šadde luonddu­ipmiliid vuoiŋŋat movttegat, ja bivdo­lihkku ja dearvvašvuohta ain bisttii. Noaidi oaffaruššamin luondduipmiliidda. oaidnemeahttun ii oidno bivdosajiid báikkit dahje sajit gos lea buorre bivdu einnostit spovet ráđđádallat gulahallat, ságastit sállašis das maid lei fidnen bivddus, omd gottis, njuorjjus movttegat ilus