Ovttas - Sirkumpolára eamiálbmogat ja sin oskkoldagat

SámIiD LUONDDUOSKkoldat 58 Ovdal go sápmelaččat ohppe risttalaš­ vuođa birra, lei sis sin iežaset osku. Sii bálvaledje luonddu­ipmiliid. Dan sii dahke vai ipmilat galget leat šiega ja buktit buorre dálkki ja borramuša nugo meahcielliid, guliid ja murjjiid. Sápmelaččat jurddašedje ahte ledje guokte máilmmi. Min máilbmi ja nubbi máilbmi mii lei oaidnemeahttun. Min máilmmis ledje eana, eallit,olbmot, noaid­dit ja sieiddit. Dat lei olbmuid eallima várás maid sii oidne ja dovde­. Nuppi máilmmis ásse máttuid ja luonddu­ipmiliid vuoiŋŋat . Nuppi máilmmi gohčodedje maid Sáivun dahje Sávjan. Dohko manne jápmán olbmuid sielut. Doppe sii riegádedje ođđasit ja šadde vuoigŋan. Vuoiŋŋat čákŋe olbmuide, elliide, váriide, jo- gaide, muoraide ja buot eará sajiide luonddus. Vuoiŋŋat sáhtte veahkehit dahje ráŋggáštit olbmuid. Noaidi máh- tii gulahallat vuoiŋŋaiguin. SámIiD LUONDDUOSKkoldat