Ovttas - Sirkumpolára eamiálbmogat ja sin oskkoldagat

Sirkumpolára eamiÁlbmogat 54 Sivdnidanmuitalusat Buot álbmogat imaštit mo máilbmi, eallit ja olbmot leat šaddan. Buot álbmogiin leat iežaset muitalusat ja jáhkut dan birra. Vuoražas ja fális Ná čilgejit Inupiahta-álbmot mo sin njárga sivdni­duv­vui. Áhpi lei geahčemeahttun. Vuoražas doarridii garra biek- ka ja heađis ozai eatnama gosa son sáhtii bisánit soa­ jái­dis vuoiŋŋastahttit. Go son lei measta vuollánan, de orui dego čáhci duoldagođii su vuolábealde. Sevdn- jes ealát iđistii čiekŋalasas – issoras stuorra meara­ ealli. Jiehtanaslágan ealli mii lei nu stuoris ahte devd- dii olles oaidnomeari. Dat loktanii menddo áibmui ja rohttii áimmu. Dasto dat bálkestahtii iežas fas bá- ruid sisa. Issoras stuorra beahcet steaččehii čázeoaivái seammás go buokčalii. Beahcet jávkkai áhpái, muhto Vuoražas vuorddašii. Son diđii ahte ealli ferte fargga fas čázeoaivái áimmu rohttet, ja dalle son háliidii leat gárv­ vis. Ja duođaid, stuorra fállágorut iđii fas čázeoaivái ja rohttii áimmu. Vuoražas lei vuordimin, áren (harpun) lei gárvvis. Son bážii áreniin ja deaivvai fállá oaivái. Oarra (báddi) čavggai ja dál šattai guhkes, lossa rohttestallan sudno gaskkas. Ovtta čalbmeravkaleamis orui ahte fá- lis lei vuoittáhallon, nuppis fas fertii Vuoražas buot fá- muiguin doallat go stuorra gievrras fális bonjahalai ja vikkai Vuoražasa rohttet čiekŋalassii. Dađistaga oarra loaččai ja viimmat lei fális vuoittáhallon ja heagga hil- ját nogai. Stuorra fállá gorut lei stuoris ja allánii meal­ gat báruid badjel. Vuoražas geahčadii ja árvvoštalai duđavaččat. Dál lea dás eana, jurddašii son. Dán eatna- mis lea vejolaš olbmuide eallit buori eallima.