Ovttas - Sirkumpolára eamiálbmogat ja sin oskkoldagat

41 Sedna – ábiid eadni Sedna lei inuhkanieida gii biehttalii náita­ leamis. Áhčči ráŋggáštii su, ja náittii su muhtin beatnagii. Nieida ja beana manai­ ga muhtin sullui eallit ovttas. Muhtin beaiv­vi go beana ii lean das, de bođii amas diev­du fatnasiin. Dievdu čurvii niidii ahte son galg­gai vuolgit su fárrui. Sedna oinnii vejolaš­vuođa beassat eret sullos ja njuikii amas dievddu fatnasii. Go guhká leigga suhkan, de joavddai­ ga dievddu gilážii. Sedna náitalii amas dievd­duin. Fargga son fuomášii ahte diev­ du ii lean dievdu, muhto loddi mii sáhtii mol­sa­šuvvat ja šaddat olmmožin. Sedna bal­lái ja háliidii beas­sat eret dievddus. Dan botta lei áhčči ohcamin su. Áhčči gávn­nai su ja čiehkádii muhtin geđggiid duoh­kái dassá go loddi manai guollebiv­dui. Nu fargga go loddi lei mannan, de áhč­či ja Sedna guđiiga gili. Loddi­joavd- dai ruoktot ja oinnii go fanas jávkkai. Son girdilii maŋŋái ja ráhkadii hirpmus garra dálkki nu ahte fanas sugadii gar- rasit. Áhčči ballái ja bálkestii Sedna bad- jel fanas­ravdda. Sedna doa­lai ravddas ja ánuhii áhčis gádjut su. Dálki šattai garraseab­bon, ja áhčči balai ahte fanas gopmána. Son čuohpai nieidda suorpmaid eret. Suorpmat gahčče merrii ja šadde njuorjun, fálisin ja ollu eará mearaeallin. Ovdal go Sedna vuojui, áhčči dohppii nup- pi čalmmi sus. Sedna vuojui meara­bodnái ja eanavuol­máilbmái. Doppe son šattai dronnegin ja fáktegođii buot meara­elliid mat ledje leamaš su suorpmat. Sedna áhčči bođii ruoktot fas. Muhtin beaivvi go lei lávus velohallamin, de bođii stuorra bárru ja dohppii su. Dál son ássá Sedna luhtte mearabotnis ja beana fákte uvssa. Sedna lea dábálaččat šiega ja guos- suha daid mearaelliid maid olbmot dárb­ bašit. Muhtimin son doalaha mearaelliid iežas luhtte. Erenoamážit jos bivdit eai leat muitán mearaelliid vuoiŋŋaide čájehit gudni ja árvvu. Olbmot dihtet ahte jos nel- got ja eai fidne mearaelliid bivddus, de leat sii suddun. Sedna dalle doallá mánáidis gitta, ja ii oaffaruša daid olbmuide. Eask- ka go olbmot átno ándagassii ja láhtte- gohte čábbát, de sáhtte njuorjjut máhccat bivdo­báikkiide. Dávjá ferte noai­di ságastit Sednain ovdal go son luoitá meara­elliid.